ಕೋರಿಕೆ

ಉಸಿರು ದಾರಿ ಸವೆಸಿದಷ್ಟು ಹೊತ್ತು ಬದುಕ ಕಾಲಿಗೆ ನಿನ್ನ ಹೆಜ್ಜೆ ಗುರುತು ಮೂಡಿಸುವ ನೈತಿಕತೆ ಮೆರೆಯುತ್ತೇನೆ , ನಾ ನಡೆದು ಹೋದಲ್ಲಿ ಜನ ನಿನ್ನ ಶ್ಲಾಘಿಸುತ್ತಾರೆ , ಪ್ರೇಮದ ಹೆಸರಲ್ಲಿ ನಿನಗೆ ಮಾಡಿಕೊಟ್ಟ ಕರಾರುಗಳಲ್ಲಿ ಒಂದಷ್ಟು ಪೂರೈಸಿ ಪ್ರಾಯಶ್ಚಿತ ಮಾಡಿಕೊಳ್ಳುವ ನನ್ನ ಗರ್ವಕ್ಕೆ ಭುಜ ತಟ್ಟಿದ ಮೇಲೆ , ಕಲ್ಪನೆಯ ಕಣ್ಣಿಗೆ ಇಂಕು ತುಂಬಿ ನಿನ್ನ ಮತ್ತೆ ಬರೆಯುತ್ತೇನೆ ... ನಿನ್ನ ಕಣ್ಣಲ್ಲಿ ನನ್ನಗಾಗಿ ಕರುಣೆ ಹುಡುಕುತ್ತೇನೆ , ಅಲ್ಲಿ ಇನ್ನು ಮುಗಿಯದ ತಿರಸ್ಕಾರ ಕಂಡು ಕಣ್ಣ ರೆಪ್ಪೆ ಅಲುಗಿಸಿ ಮತ್ತೆ ನಿನ್ನ ಪಾದಗಳ ಹಣೆಗೆ ಕಟ್ಟಿಕೊಂಡು ನಾವಿಬ್ಬರು ಒಟ್ಟಾಗಿ ನಡೆದಲ್ಲಿ ಆಕಾಶ ಮಾರ್ಗವಾಗಿ ಮತ್ತೊಮ್ಮೆ ಗಿರಕಿ ಹೊಡೆಯುತ್ತೇನೆ ....
ಈಗೆ ಸಾಗುವ ರಾತ್ರಿಗಳು ಬದುಕಿನ ಅರ್ಧ ನುಂಗಿವೆ , ಇನ್ನರ್ಧ ಬದುಕ್ಕಿನುದ್ದಕ್ಕೂ ದಿನಗಳಲ್ಲಿ ಕಂಡ ಬೆಳಕ ಭದ್ರಮಾಡಿಕೊಂಡಿದ್ದೇನೆ , ನಿನ್ನ ಕಣ್ಣಲ್ಲಿ ನಾನು ಪ್ರತಿಫಲಿಸಿದ ರಾತ್ರಿಯ ನಂತರ
ಇಲ್ಲಿ ಬೆಳಕಿನ ಹಬ್ಬ .. ಸೂರ್ಯ ಚಂದ್ರರಿಗೆ ಶಾಶ್ವತ ರಜೆ ಇತ್ತು ನೀನು ಬೆಳಗಬೇಕು ..ನಮ್ಮಿಬ್ಬರ ನೆರಳು ಸೂರ್ಯನ ಜೊತೆಗೆ ಬೆಳೆಯುವುದು ಬೇಡ ,ಕಳೆಯುವುದು ಬೇಡ ...
ಒಂದನ್ನೊಂದು ಆಲಂಗಿಸಿ ಸ್ಥಿರವಾಗಲಿ , ಅನಂತ ಆಗಸಗಳಲ್ಲಿ ನಮ್ಮ ಆತ್ಮೈಕ್ಯ ಚಿರಾಯುವಾಗಲಿ .. ಉಸಿರ ದಾರಿ ಸವೆಯುವ ಮುನ್ನ ಸಮಾಧಿಯಾಗುವ ನನ್ನ ಕೋರಿಕೆ ಕೇಳಿಸಿಕೋ !!!!