ಕೋರಿಕೆ ...

ಎತ್ತ  ಹೋಗಲೋ ನಾನು
ಸುತ್ತಲು ಕವಿದವನೇ
ಇತ್ತ  ಬಾರದಿರು ಎಂಬ ಕೇರಿಯೆಡೆಗೆ  ...

ಸುತ್ತ ಹರಿದು ಹೋದ ಬೆಳಕು ಬೇಕು ಎನಗೆ
ಕೂಡಿಡಲು ಸಣ್ಣ ಕಂಚ ಕೊಡವು ,
ಸೊರದಿರೆ , ಅದರಲ್ಲಿ ಬಚ್ಚಿಟು ಬೆಳಕನ್ನು 
ಅಮಾವಾಸ್ಯ್ಗಗೆ ನಾನು ದಾರೆಯೆರೆವೆ ,,

ಕತ್ತಲೆಚ್ಚು ಇಲ್ಲಿ ಇದಾವ ಊರೋ ಕಾಣೆ
ಕಣ್ಣ ಬಿಟ್ಟು ನಿದ್ದೆ ಹೋಗಲರಿಯೇ !!



ಒರಗೆಯ ಹೂವು
ಕಂಪಸೂಸಿ ಸೆಳೆದು , ಮುಂಜಾವೆ ಮುದುಡಿ

ಮತ್ತೆ  ತಬ್ಬಿಬು ನಾನು ,
ನೀ ಅರಿಯದಾವುದಿದೆ ?!
ರವಿಯಾ  ಕಳಿಸು ಒಮ್ಮೆ ,
ಇಲ್ಲೇ ಮತ್ತೆ  ಹೇಗೋ ಅರಳಿ ನಿಲ್ಲುವೆ ...
ಇಲ್ಲವಾದರೆ ಈ  ಗಾಳಿಯಾ
ನಿಲ್ಲಿಸು ಸಾಕು 
ಅಳಿದ  ಕಂಪ ಎದೆಯೊಳಗೆ ಉಳಿಸಿ ,
ಹೊತ್ತಿ ಉರಿವೆ ...

ಜಡ

ಅದಾವ  ಕರೆಯ ಸಿರಿಯೋ
ಅದಾವ ಸಿರಿಯಾ ಕೊರಗೋ
ಅದರಿಗಂತಲೋ ಮರುಗೋ !?
ವಿಷಾದ ವಿಷದ ಬೆರಗು ..

ಜರುಗಿ, ಇಂಚಗಲ ಸೊಬಗು ,
ಮತ್ತೆ ಮತ್ತೆ ಮಿನುಗೋ
ಇದೆಂತ ಕ್ರತಕ ಜಿನುಗೋ ??
ಒದ್ದೆ ಒದ್ದೆ ಬದುಕು ,

ಮುಟ್ಟಿದಂತೆ ಕೊನೆಯೂ ,
ಹೊಸತು ಒಂದು  ಶುರುವು ,
ಅದಾವ ಕವಲೊ ಕಾಣೆ
ಮುನಿದು ನಡೆದವು ,
ಅದಾವ ದಾರಿಯೋ ಕಾಣೆ
ನಡೆದು ಸವೆದವು  ,

ದಿಟ್ಟಿಸಿ ನೋಡಿದ ಪರಿಗೆ
ರೆಪ್ಪೆಗಳೇ ಜಡ,
ಮುಚ್ಚಲಾಗದೆ ಕತ್ತಲ ಅರಸಿದೆ...
ಎನ್ನ ಕಣ್ಣು ತುಂಬಿ
ಒದ್ದೆ ಒದ್ದೆ ನೆನಪು ,